१० वर्षपछि रोजगारीको शिलसिलामा विदेशीहरु नेपाल आउने-परराष्ट्रमन्त्री ज्ञवाली

चरिकोट, १८ वैशाख-परराष्ट्रमन्त्री प्रदिप ज्ञवालीले आगामी १० वर्षपछि रोजगारीको शिलसिलामा विदेशीहरु नेपाल आउने बताउनुभएको छ ।

दोलखा चरिकोटस्थित गौरीशंकर सामुदायिक पुस्तकालयको नवनिर्मित भवनको आज उद्घाटन गर्दै उहाँले आगामी दश वर्षपछि नेपाली युवाहरुका लागि वैदेशिक रोजगारीमा जानुपर्ने बाध्यता अन्त्य भएर उनीहरुलाई घुम्नका लागि विदेश जाने वातावरण बनाउन अहिलेको सरकार लागिपरिरको छ भन्नुभयो ।

मन्त्री ज्ञवालीले स्थिरता र समृद्धिका निम्ति वर्तमान सरकारको कामबाट अत्तालिएर विपक्षीहरुले अधिनायकवादको आरोप लगाएको उल्लेख गर्दै मुलुकको समृद्धि र विकासमा सहयोग गर्न सबैसंग आग्रह गर्नुभयो ।

सुन तस्कारी प्रकरणमा लहरो तान्दा पहरो खस्न थालेको तथा गुण्डागर्दी र सिन्डिकेटविरुद्ध सरकार निर्ममताका साथ प्रस्तुत भइरहेको बताउँदै उहाँले सरकार बेथिति नियन्त्रणमा लागिपरेको धारणा व्यक्त गर्नुभयो ।

LEAVE A REPLY

Please enter your comment!
Please enter your name here