सूर्य बिरही साउँदको देउडा गीत ‘टालाटुली बाटुली नाच मेरी पुतली’ सार्वजनिक(भिडियो सहित)

काठमाडौं,२५ माघ– पछिल्लो समयमा निक्कै चर्चामा रहनुभएका चर्चित गायक सूर्यबिरही साउँद र रश्मी रिजालद्धारा स्वरबद्ध र अराज केशबको रिमिक्स गीतको भिडियो सार्वजनिक गरिएको छ ।

‘टालाटुली बाटुली नाच मेरी पुतली’ बोलको फरक शैलीको म्युजिक भिडियो आज सार्बजनिक हुन गरिएको हो ।  सूर्य बिरही साउँदेले यस अघि ‘सुदूरको चेलो म त’, ‘म त भैसी गोठालो’, ‘बाध्यताले पठाउन लाग्यो परदेश’, ‘नरो मेरी सुवाँ’, ‘प्रिति फूल सारी दे’, ‘बिन्ति शैलेश्वरी’, ‘बनमारा बनैभरी छ’, ‘तेरो मेरो माया बबाली’, ‘जन्मभुमिको माया’, ‘यो लोटाउनो रांगो’, लगायतका दर्जनौ चर्चित गीत बजारमा ल्याई सकेका छन् । यि गीतहरु दर्शक, स्रोताहरुले अत्याधिक मन पराएको थिए । युट्युबमा पनि सबै भन्दा बढि सस्क्राईब भएका थिए ।
‘टालाटुली बाटुली नाच मेरी पुतली’ बोलको गीत सुदूर तथा मध्यपश्चिमको थेगोलाई समाबेश गरि पहिलो पटक तयार पारिएको फरक शैलीको देउडा फ्यूजन डान्सिङ गीत हो । सुदूर तथा मध्यपश्चिमका बालबालिकाहरु बालपनका बेला दौतरीहरुसँग कपडाका सानासाना टालाटुली बटुलेर पुतली बनाई रमाईलो गरी खेल खेल्ने चलन छ ।

काठमाडौंको त्रिभुवन पार्क र भद्रकालीमा छाँयांकन गरिएको सो म्युजिक भिडियो बसिबियालो म्युजिक प्रा.लि.अनामनगर काठमाडौंले बजारमा ल्याएको हो ।
बिक्रम चौहानको निर्देशनमा ‘टालाटुली बाटुली नाच मेरी पुतली’ म्युजिक भिडियोमा शेर साउँद, करिश्मा ढकाल र करन साउँदले अभिनय गर्नुभएको छ । बि स्टार फिल्मस कम्पनीले तयार पारेको म्युजिक भिडियोको छाँयांकन प्रकाश खड्का र मिलन बिकको सम्पादन रहेको छ ।
सूर्यबिरही साउँद,तिलक ओली र योगेश बुढाको रचना रहेको यस गितको संगित सूर्यबिरही साउँदको रहेको छ । संगीत संयोजन बिनोद बाजुरालीले गरेका छन् । यो गीतको म्युजिक भिडियो निम्न लिंकमार्फत हेर्न सकिन्छ ।

LEAVE A REPLY

Please enter your comment!
Please enter your name here