काठमाडौं,५ फागुन– काठमाडौंमहानगरपालिका वडा नम्बर १२ लगनमा आज बिहान आगलागी हुँदा एक जनाको मृत्यु भएको छ, भने दुईवटा घर जलेर पूर्णरुपमा नष्ट भएका छन् ।
६५ वर्षीय जीवनकाजी श्रेष्ठको जलेर मृत्यु भएको आगलागी भएको स्थानमा खटिएका डिएसपी टेकुनन्द ईवा लिम्बुले जानकारी दिनुभयो । उहाँका छोरा प्रविण जलेर सामान्य घाइते हुनुभएको प्रहरीले जनाएको छ ।
बिहान साढे ३ बजेतिर लगनचोकमा रहेका अमृत नारायण महर्जन र अमृतलाल रञ्जितको घरमा आगलागी भएको थियो । रञ्जितको पूरै घर भाडामा लिएर जीवनकाजी श्रेष्ठको परिवार बस्दै आएको थियो । घाइते प्रविणको वीर अस्पतालमा उपचार गरिएको छ ।
