बलात्कारका मुख्य दोषी पक्राउ

तुलसीपुर, ४ माघ । सामूहिक बलात्कारका मुख्य दोषीलाई जिल्ला प्रहरी कार्यालयले पक्राउ गरी सार्वजनिक गरेको छ ।

दाङकी १७ वर्षीया कल्पना खनालमाथि २०६५ चैत १५ गते राति सामूहिक बलात्कारका मुख्य दोषी तुलसीपुर उपमहानगरपालिका–१८ का ३१ वर्षीय विष्णु चौधरीलाई सर्वोच्च अदालतबाट २०७२ फागुन ३० गते ९ वर्ष ११ महीना दुई दिन सजाय र रु ५० हजार जरिवाना तोकिएको थियो ।

सामूहिक बलात्कारमा परेकी खनालको घटना भएको ८४ औँ दिनमा मृत्यु भएको थियो । नसालु पदार्थ खुवाएर उनीमाथि सामूहिक करणी गरिएको थियो । घटनामा संलग्न छ जनाले सजाय भुक्तान गरेका र मुख्य दोषीलाई प्रहरीले घटना भएको १० वर्षपछि पक्राउ गरेको प्रहरीले जनाएको छ ।

पक्राउ परेका चौधरीलाई आज जिल्ला अदालत घोराहीमार्फत कारागार चलान गरिने प्रहरी उपरीक्षक बेलबहादुर पाण्डेलेबताउनुभयो । घटनामा संलग्न फरार रहेका मोहन पुनको खोजी जारी रहेको बताइएको छ ।

LEAVE A REPLY

Please enter your comment!
Please enter your name here