प्रतिपक्षले भन्योः बजेटमा त्रुटि छ !

web

काठमाडौं,२० जेठ । प्रमुख प्रतिपक्ष दलका सांसद डा मीनेन्द्र रिजालले बजेटमा त्रुटि रहेको बताउनुभयो । जेठ १५ गते बुधबार अर्थमन्त्री डा युवराज खतिवडाले सङ्घीय संसद्को दुवै सदनको संयुक्त बैठकमा पेश गरेको आर्थिक वर्ष २०७६र०७७ को बजेट त्रुटिपूर्ण भएको उल्लेख गर्नुभयो ।

डा रिजालले आर्थिक वर्ष २०७६र०७७ का लागि पेश भएको बजेट पुस्तिकाको दफा ‘क,’ ‘ख’ ‘ग’ र ‘ङ’ तथा अनुसूची २ मा उल्लेख भएको बजेट त्रुटिपूर्ण भएकाले यसको जवाफका लागि सभामुखमार्फत सरकारको ध्यानाकर्षण गराउनुभयो ।
प्रतिनिधिसभाको सोमबारको बैठकमा सांसद रिजालले सरकारको जवाफ माग गरेपछि सभामुख कृष्णबहादुर महराले सो विषयमा सरकारको ध्यानाकर्षण भएको बैठकलाई जानकारी दिनुभयो ।

त्यसैगरी सांसद राजकिशोर यादवले सरकारले संविधान मिच्दै गएको, विधि र प्रक्रियालाई अवलम्बन नगरेको बताउनुभयो । उहाँले केही दिनअघि लोकसेवा आयोगले सार्वजनिक गरेको विज्ञापन संविधानको धारा ३६ को उपधारा २ विपरीत भएको दाबी गर्नुभयो ।

LEAVE A REPLY

Please enter your comment!
Please enter your name here