निर्वाचनअघि सानो मन्त्रिपरिषद् बनाउने तयारी, राप्रपा सरकारमा सहभागी हुन सकारात्मक

काठमाडौं, १८ जेठ–बहुमतीय प्रक्रियाबाट प्रधानमन्त्री बन्ने प्रयासमा रहेका कांग्रेस सभापति शेरबहादुर देउवाले दोस्रो चरणको निर्वाचनअघि नै सानो आकारको मन्त्रिपरिषद् बनाउने तयारी गरेका छन् ।

‘दोस्रो चरणको निर्वाचनसम्म सानो मन्त्रिपरिषद् मात्रै बनाउने चाहना शेरबहादुरजीको छ,’ कांग्रेस नेता उपप्रधानमन्त्री विमलेन्द्र निधिले भने, ‘कति सानो बनाउने भन्ने छलफल भइसकेको छैन । आज छलफल हुने छ ।

राप्रपा सरकारमा सहभागी हुन सकारात्मक
अहिले सत्तागठबन्धनमा नरहेको राष्ट्रिय प्रजातन्त्र पार्टी पनि देउवाको नेतृत्वमा नयाँ सरकार गठन गर्न सकारात्मक छ । देउवाले मंगलबार बोलाएको सर्वदलीय बैठकमा राप्रपा अध्यक्ष कमल थापाले भनेका थिए, ‘कांग्रेसको नेतृत्वमा बहुमतीय सरकार बन्ने हो भने दुई दलबीच नीतिगत विषय र व्यावहारिक विषयमा छलफल हुँदा सहमति हुन सक्यो भने त्यो सरकारमा जाने विषयमा हाम्रो सकारात्मक धारणा रहन्छ ।’ संसद्मा राप्रपाको ३७ सिट छ । यो संख्या पनि जोडियो भने देउवाको पक्षमा ३४८ मत पुग्छ ।

LEAVE A REPLY

Please enter your comment!
Please enter your name here