तथ्यमाथि राजनीतिक आक्रमणः विश्वका सयौं शहरमा प्रदर्शन

एजेन्सी– विश्वभरका हजारौं वैज्ञानिकले तथ्यमाथि बढ्दो राजनीतिक आक्रमणको विरोधमा सयौं शहरमा प्रदर्शन गरेका छन् । अमेरिकाको वासिङ्टन लगायत ५ सय भन्दा बढी शहरमा प्रदर्शन गरिएको हो ।
‘मार्च फर साइन्स’ नाम दिइएको प्रदर्शन जलवायु परिवर्तनलाई रोक्ने उद्देश्यका साथ आयोजना गरिएको अन्तर्राष्ट्रिय सञ्चार माध्यमहरुले जनाएका छन् । आयोजकहरुले विज्ञानको पक्षमा उत्सव र वैज्ञानिक समुदायको सुरक्षामा सहयोग गर्न प्रदर्शन गरिएको बताएका छन् ।
‘जलवायु परिवर्तनलाई छल’ भनेका अमेरिकी राष्ट्रपति डोनल्ड ट्रम्पको अमेरिकाका वैज्ञानिक निकायहरुलाई दिइने रकम कटौती गर्ने योजनाविरुद्ध समेत प्रदर्शन लक्षित थियो ।
अभियानकर्ताहरुले आफ्नो आवाज सुनाउन चाहेको भन्दै विज्ञान जोखिममा परेको हुनाले यस्तो कदम आवश्यक भएको बताएका छन् ।

संसारको सबैभन्दा शक्तिशाली देशले विज्ञान र तर्कमाथि आक्रमण गरेको भन्दै उनीहरुले त्यसलाई विज्ञानमाथि मात्रै होइन मानवतामाथिकै आक्रमण भनेका छन् ।

LEAVE A REPLY

Please enter your comment!
Please enter your name here