भक्तपुर, २ बैशाख। थिमी बोडेको प्रसिद्ध जिब्रो छेड्ने जात्रामा थिमी बोडे ८ का ४६ वर्षका बुद्धकृष्ण वागश्रेष्ठले जिब्रो छेड्नु भएको छ । बागश्रैष्ठले छैटौं पटक जिब्रो छेड्नु भएको हो । दश इन्च लामो सुइरोले जिब्रो छेडेर महादीप बोकी टोल टोल घुम्नुभएको थियो । टोल घुमेपछि जिब्रो छेडेको सुइरो निकालेर महालक्ष्मी मन्दिरमा ठोक्नुभएको थियो । परम्परादेखि चल्दैआएकोे जिब्रो छेड्ने जात्रालाई लोप हुनबाट जोगाउन यसवर्ष आफूले जिब्रो छेडेको उहाँले बताउनुभयो ।
