गयल हुँदैनन् विद्यार्थी

काठमाडौ, १ असार – अछामको कालिका आधारभूत विद्यालय बान्नीगडी जयगढमा जम्मा ६७ विद्यार्थी छन्। छात्रछात्रा सबै नियमित पढ्न आउँछन्। उनीहरू पढाइमा पनि उस्तै अब्बल छन्। जिल्लाका अन्य ९६ विद्यालय र १ सय ७ बालविकास केन्द्रले पनि शिक्षामा राम्रो पहिचान बनाएका छन्। ‘पहिले त आधा दिनमै विद्यालय खाली हुन्थ्यो,’ कालिकाका प्रधानाध्यापक काशीराम रावलले भने, ‘खास त आउँदै आउथेनन् आए पनि आधा दिनमै गैहाल्थे। तर अचेल त्यस्तो छैन।

सबै विद्यार्थी नियमित हाजिर हुन्छन्।’व्यवस्थित कक्षा कोठा, बालमैत्री धारा, पर्याप्त खेल सामग्री, सेनिटरी प्याड र खेल्दै सिक्ने विधिका कारण नियमित पढ्न आउने विद्यार्थीको संख्या बढेको उनले बताए विन्देवासिनी मावि दर्ना, शान्ति मावि मार्कु, पञ्चकोटी आधारभूत विद्यालय दुनि र मष्टामाडौं आधारभूत विद्यालय मलातीकोटसहित सबै ९६ विद्यालयका विद्यार्थीहरू कहिल्यै गयल हँुदैनन्। ‘

व्यवस्थापन ठूलो कुरा हो, ’सरिता मावि शान्तडाका शिक्षक रतन भण्डारी भन्छन्, ‘विकटका विद्यालयप्रति राज्यको व्यवहार फेरिएको छ। गैरसरकारी संस्थाहरूको हेराइ पनि ठीक छ। उहाँहरूकै सहयोगले हामी व्यवस्थित छौं।’ विगतमा छात्राहरूको उपस्थिति न्यून देखिए पनि अभिभावक शिक्षा र सेनिटरी प्याडको व्यवस्थापछि उनीहरू फेरि पढ्न आएको उनले बताए। आजकोे राजधानीमा खबर छ ।

LEAVE A REPLY

Please enter your comment!
Please enter your name here