गोरखा,७ साउनःनेपाल कम्यूनिष्ट पार्टी नेकपाका प्रवत्ता नारायणकाजी श्रेष्ठले चिकित्सा शिक्षा सुधारको माग गर्दै अनसनरत प्रा।डा। गोविन्द केसीको जीवनरक्षालाई सरकारले पहिलो प्राथमिकता बनाएको उल्लेख गर्नुभयो ।
पुष्पलाल स्मृति दिवसको अवसरमा आयोजित कार्यक्रममा भाग लिन आएका श्रेष्ठले सोमबार पत्रकारसँग कुराकानी गर्दै वार्ताद्वारा खुला ढंगले छलफल गरेर समस्या समाधान गर्ने दोस्रो प्राथमिकता रहेको बताउनुभयो । राजनितिक दल र नागरिक समाज र आम समुदायलाई केसीको मुद्दामा राजनीतिकरण नगर्न उहाँले आग्रह गर्नुभयो ।
