ओलीसँग नयाँ सरकार गठनलगायत विषयमा छलफल

काठमाडौँ — भारतीय राजदूत मन्जिभसिंह पुरीले एमाले अध्यक्ष केपी ओलीसँग नयाँ सरकार गठनलगायत विषयमा छलफल गरेका छन् । उनले मंगलबार सिंहदरबारस्थित संसदीय दलको कार्यालय पुगी ओलीलाई भेटेका हुन् ।
त्यस क्रममा ओलीले वाम गठबन्धनले केही दिनमै सरकार गठन गर्ने र त्यससँगै पार्टी एकता पनि अघि बढ्ने बताउँदै विकासमा सहकार्य गर्न पुरीलाई आग्रह गरे । पुरीले ओलीलाई महाशिवरात्रिको शुभकामनासमेत दिएका थिए ।

चुनावी परिणामले वाम गठबन्धनको सरकार निश्चित भएसँगै भारतीय प्रधानमन्त्री नरेन्द्र मोदीले भावी प्रधानमन्त्रीका रूपमा चर्चामा रहेका ओलीसँग दुई पटक टेलिफोन वार्ता गरी सहकार्य गर्न भारत उत्साही रहेको बताएका थिए । त्यही क्रममा भारतीय प्रधानमन्त्रीको विशेष सन्देश लिएर त्यहाँकी विदेशमन्त्री सुष्मा स्वराज पनि दुई साताअघि काठमाडौं आई ओलीसँग लामो वार्ता गरेकी थिइन् ।

यति बेला भारतीय सेनाध्यक्ष विपिन राउत पनि काठमाडौंमा छन् । उनी सेना दिवसमा विशेष अतिथिका रूपमा काठमाडौं आएका हुन् ।

LEAVE A REPLY

Please enter your comment!
Please enter your name here