आज मध्यराति देखि मौन अवधि सुरु

काठमाडौं,७ मंसिर– पहिलो चरणमा मङ्सिर १० गते निर्वाचन हुने जिल्लामा आज राति १२ बजेपछि मौन अवधि सुरु हुने भएको छ । मौन अवधि सुरु हुने भएकाले निर्वाचन प्रसार प्रसारका सबै कार्य बन्द हुने भएका छन् ।

मौन अवधि सुरु भएपछि निर्वाचन सम्पन्न नहुन्जेलसम्म राजनीतिक दल, दलका तर्फबाट उम्मेदवार भएका व्यक्तिहरू, राजनीतिक दलका पदाधिकारीहरू, स्वतन्त्र उम्मेदवारहरू, नागरिक समाज, आम मतदाता तथा सञ्चार माध्यमले कुनै पनि प्रकारका चुनावी प्रचार प्रसारमा संलग्न हुन नपाइने व्यवस्था रहेको छ ।

आयोगले मौन अवधिमा उम्मेदवार, राजनीतिक दलको प्रचार–प्रसार हुने गरी कुनै समाचार वा सूचना प्रकाशन, प्रसारण गर्न नहुने निर्वाचन आयोगका प्रवक्ता नवराज ढकालले जानकारी दिनुभएको छ ।

पहिलो चरणको निर्वाचनको मौन अवधिमा दोस्रो चरणमा निर्वाचन हुने जिल्लाहरूबाट आउने समाचारलाई सञ्चार माध्यमहरूबाट प्रकाशन तथा प्रसारण गरिँदा त्यस्ता सामग्रीबाट मतदातालाई समेत प्रभाव पर्ने भएकाले सो अवधिमा निर्वाचन आचारसंहिताविपरीत हुने कुनै पनि प्रकारका सामग्री प्रकाशन तथा प्रसारण नगर्न समेत आयोगले आग्रह पनि गरेको छ ।

पहिलो चरणमा मंसिर १० गते ३२ जिल्लामा प्रतिनिधि सभाका ३७ र प्रदेशसभाका ७४ निर्वाचन क्षेत्रमा निर्वाचन हुदैछ ।

LEAVE A REPLY

Please enter your comment!
Please enter your name here